sino si caloy?

sino si caloy? haha, hindi ko rin alam. gago yun eh, tarantado pa. masyadong bulakbol. pero sabi naman ng mga tao sa paligid niya, may alam naman siya, tamad nga lang talaga. yun din yung taong mas nagpapahalaga ng mga natututunan sa labas ng school. lagi niya kasing sinasabi na ang acads, hanggang school lang. pagka-graduate mo, diskarte mo na yung buhay mo, ke may pinag-aralan ka o wala.


sino si caloy? ang taong literal. sarcastic. pilosopo. sa una matutuwa kang kausap siya, pero mapipikon ka rin. asar-talo yun kahit mahilig mang-asar. epal din yun kung minsan. conceited pa. nakakahiya ngang kasama yun eh. poging-pogi din siya sa sarili niya. ewan ko ba dun. pero inilalagay niya ang sarili niya sa tamang lugar, sa tamang oras. kaya siguro, madalas, hindi siya naiintindihan ng ibang tao, minsan kasi, hindi mo alam kung kailan siya nagbibiro o kung kailan nagsasabi ng totoo. tarantado nga.


sino si caloy? nagpupumilit magsulat. may mga nagsasabi na marunong o magaling daw siya, pero siya sa sarili niya, hindi niya maramdaman yun. parang walang kwenta. wala lang. eh naman kasi eh..basta, frustrated talaga ang hayop. nakakaawa na nga kung minsan. kung ako siya, susunugin ko lahat ng sinulat niya! hahaha! o kaya pamparikit sa uling. hahahaha!


sino si caloy? ang taong punong-puno ng kalibugan. hindi na ata naubos ang kati at init nun sa katawan. gasgas na ang palad ng magkabilang kamay kakamarya. adventurous yun pagdating sa sex. hindi naman adventurous, more like desperate. kung sino-sino na nakaka-do niyan. as in! buti nga hindi nagkakasakit ang puta. maingat naman kasi, maarte pa. gusto may ganit-ganyan, para daw safe. pero ngayon, abstain daw eh. nagbe-behave na. gusto daw magbago.


sino si caloy? player yan. sira ulo eh. masyado atang in-embrace yung katagang "maglaro habang bata pa" kaya ayun, laro ng laro. pero umpisa pa lang naman, nililinaw niya na maglalaro lang siya. malas ng mga nakakalaro niya, sa huli, sineseryoso, iyak-iyak tuloy. kung iisipin, parang wala siyang konsensiya, eh kaso, pinagsabihan naman niya eh, hindi lang talaga sila nakinig.


sino si caloy? malakas na tao yan! walang kinatatakutan! pero duwag. ayaw masaktan. simula nung huling beses nasaktan, hindi na nagkaroon ng lakas ng loob para magtiwalang muli. akala niya, lahat ng tao, manloloko, kaya uunahan niya, lolokohin na niya bago pa siya maloko. wala na siyang kapasidad para umibig. takot na. sabi nga niya, lalandi na lang daw siya ng lalandi, at least daw, walang masakit. walang pagsisisi, walang lokohan.




naaawa ako sa kanya. kabata-bata, ganyan na siya. haaaaaay..nakakaawa talaga.