ako ang magliligtas.

*para kay topak.

ako. ako ang magliligtas sa iyo.
mula sa lahat ng pag-ibig na naglaho at nabigo.
ako. ako ang magliligtas sa iyo.
mula sa kalungkutan na bumabalot sa iyong mundo.

ako. ako ang gawin mong pananggalang.
pananggalang sa lahat ng mananakit sa iyo.
ako. ako ang gawing mong pananggalang.
pananggalang sa bawat hikbi at luhang bibitawan mo.

ako. ako ang magiging sandigan mo.
sandigan na hindi mawawala sa likod mo.
ako. ako ang magiging sandigan mo.
sandigan na di matitinag kahit anong ibato mo.

dahil ako..
ako ang magliligtas sa'yo..



-sa maikling panahon na kasama kita, madali mong napatibok ang puso ko na kinukulong ko sa iba. alam mo, sa lahat ng nakilala ko, iba ka. mayroon kang kakaibang atake kung paano mo aagawin ang pwesto ng iba dito sa dibdib ko. hindi ko alam. masyadong mabilis ang mga pangyayari. sana lang, sana lang talaga, ikaw na ang hinahanap ko. pero hindi kita hinanap. dumating ka nga pala ng kusa. kaya nagpapasalamat din ako sa pagkakataon. salamat sa internet (God's gift to every human being.)

sa totoo lang, hindi ko maesplika kung ano ang totoo kong nararamdaman para sa'yo. sabihin na natin na naka-piring ako habang nilalasahan ko ang iba't-ibang putaheng nakahain sa akin. sana, habang hinuhulaan kita, maka-jackpot ako't tumama ang hula ko. ayoko na rin kasing magsalita ngayon ng tapos, kakainin ko na naman ang mga sinabi ko. at kung nakakain nga yun, malamang sa malamang, mas mataba pa 'ko sa'yo.

isa lang ang gusto kong malaman. may balak ka bang magtagal sa buhay ko? o dadaan ka lang sandali para maglibang? sabi mo nga, bakit kailangang pagaksayahan ng panahon ang mga taong wala namang kapasidad na magtagal sa buhay mo? gusto ko ngayong malaman mula sa iyo ang sagot. may kakayahan ka nga bang magtagal sa buhay ko? ayoko na kasing masaktan.

ikaw ang dahilan ngayon kung bakit patuloy akong humihinga. sana, sa susunod na panahon, hindi ikaw ang dahilan kung bakit gusto kong pigilin ang paghinga ko.